Infosys: இன்ஃபோசிஸ் நிறுவன பங்கானது, சர்வதேச தரகு நிறுவனமான மார்கன் ஸ்டான்லி டவுன் கிரேட் செய்த நிலையில், பங்கு விலையானது 4% மேல் சரிவைக் கண்டு முடிவடைந்துள்ளது. இது ஐடி நிறுவனம் மெதுவான வளர்ச்சி காணலாம் மற்றும் பங்கு மதிப்பில் அழுத்தம் என பல காரணிகளை சுட்டிக் காட்டியுள்ள தரகு நிறுவனம், ரேட்டிங்கை ஓவர் வெயிட் என்பதில் இருந்து, ஈக்வல் வெயிட் என குறைத்துள்ளது. இத்தகைய சூழலில் இலக்கு விலையையும் 2,150 ரூபாயில் இருந்து 1,740 ரூபாயாக குறைத்துள்ளது.
கடும் வீழ்ச்சி?
இந்திய ரூபாய் மதிப்பு பலவீனமாக காணப்படும் சூழலில், ஐடி நிறுவனத்தின் வருவாய் சரிவைக் காணலாம் என எதிர்பார்க்கும் தரகு நிறுவனம், நடப்பு ஆண்டில் ஐடி இதுவரையில் பங்குகள் ஏற்ற இறக்கத்தில் காணப்படுவதையும் சுட்டிக் காட்டியுள்ளது.
அமெரிக்க பொருளாதாரத்தில் நிலவி வரும் நிச்சயமற்ற சூழலுக்கு மத்தியில், வர்த்தக கொள்கையிலும் நிச்சயமற்ற சூழலே காணப்படுகிறது. இதற்கிடையில் ஏற்கனவே நடப்பு ஆண்டில் நிஃப்டி ஐடி குறியீடானது, ரியல் எஸ்டேட் குறியீட்டை அடுத்து, 14% வீழ்ச்சி கண்டு மோசமான சரிவைக் கண்டுள்ளது. இந்த ஆண்டு இன்னும் மோசமானதாகவே இருக்கலாம் என எதிர்பார்க்கிறது.
தேவை சரியலாம்?
இன்ஃபோசிஸ் நிறுவனத்திற்கு தென் அமெரிக்கா முக்கிய சந்தையாக இருக்கலாம். ஏனெனில் கடந்த 2024ம் நிதியாண்டின் வருவாயில் 60% மேலாக பங்கு வகித்துள்ளது. அங்கு தொழில் துறையில் நிலவி வரும் மந்த நிலைக்கு மத்தியில், ஐடி தேவை சரியலாம் என்ற உணர்வும் முதலீட்டாளர்கள் மத்தியில் இருந்து வருகிறது. இதற்கிடையில் தான் இன்ஃபோசிஸ் நிறுவன பங்கு கவனத்தில் கொள்ள வேண்டிய ஒன்றாக பார்க்கப்படுகிறது.
நிபுணர்கள் கருத்து?
கடந்த வாரம் சர்வதேச தரகு நிறுவனமான சி.எல்.எஸ்.ஏ இன்ஃபோசிஸ் பங்கு குறித்த ரேட்டிங்கை ஹோல்டு என்பதில் இருந்து, சேர்க்கலாம் என அப்கிரேட் செய்தது. இதனிடையே 12 மாத இலக்கு விலையாக 1,978 ரூபாயாக கொடுத்தது. டிரெட்லைன் தரவின் படி, 40 நிபுணர்கள் இப்பங்கு குறித்து ரேட்டிங்கை கொடுத்துள்ளனர். இதில் 28 பேர் வாங்கலாம் என்றும், இலக்கு விலை சராசரியாக 2,097 ரூபாயாகவும் கொடுத்துள்ளனர்.
Disclaimer: All the above articles and news are published for informational purposes. It is important to plan with the advice of proper experts and not to make final decisions regarding investment or savings based on this. The management is not responsible for any such planning based on this.
முதலீடு செய்வதற்கு முன்பு செபி பதிவு முதலீட்டு ஆலோசகர்களிடம் கலந்து ஆலோசித்த பின்னரே இறுதி முடிவு எடுக்க வேண்டும். அதுவே லாபகரமான முதலீட்டுக்கு உதவும்.
