Closing Bell: இந்திய ஈக்விட்டி குறியீடுகள் அனைத்தும் ஏற்றம் கண்டு முடிவடைந்த நிலையில், சென்செக்ஸ் 899 புள்ளிகள் அல்லது 1.19% அதிகரித்து, 76,348.06 புள்ளிகளாக முடிவடைந்துள்ளது. நிஃப்டி குறியீடானது 283.05 புள்ளிகள் அல்லது 1.24% ஏற்றம் கண்டு, 23,190.65 புள்ளிகளாக முடிவடைந்துள்ளது.
சர்வதேச அளவிலான சாதகமான காரணிகளுக்கு மத்தியில், இன்று பங்குச் சந்தையில் முக்கிய குறியீடுகள் கேப் அப் ஆகி தொடங்கின. முடிவிலும் நிஃப்டி 23,000 புள்ளிகளுக்கு மேல் முடிவடைந்துள்ளது.
அனைத்து குறியீடுகளும் ஏற்றத்தில் முடிவடைந்துள்ள நிலையில், மெட்டல், மீடியா, ஐடி, எஃப்.எம்.சி.ஜி, ஆட்டோ, கன்சியூமர் டியூரபிள், ரியால்டி, டெலிகாம், ஹெல்த் கேர், ஆயில் &கேஸ், டெக் உள்ளிட்ட குறியீடுகள் 1% ஏற்றம் கண்டுள்ளன.
டாப் கெயினர்கள் & லூசர்கள்!
சந்தை ஏற்றத்தின் மத்தியில் பார்தி ஏர்டெல், டைட்டன், பிரிட்டானியா, பிபிசிஎல், பஜாஜ் ஆட்டோ உள்ளிட்ட பங்குகள் டாப் கெயினர்களாக ஏற்றம் கண்டுள்ளன. இதே இந்தஸ் இந்த் பேங்க், பஜாஜ் பைனான்ஸ், ட்ரெண்ட், ஸ்ரீராம் பைனான்ஸ் உள்ளிட்ட பங்குகள் டாப் லூசர்களாகவும் உள்ளன.
பிஎஸ்இ குறியீட்டில் 100-க்கும் மேற்பட்ட பங்குகள் 52 வார குறைந்தபட்ச விலையில் காணப்படுகின்றன. இதில் கே இ ஐ இண்டஸ்ட்ரீஸ், பெளஷக், வெரிடாஸ், கேசோரம் இண்டஸ்ட்ரீஸ், ஜிவிகே பவர், சுயோக் டெலிமேட்டிக்ஸ், இ கே ஐ எனர்ஜி உள்ளிட்ட பங்குகள் காணப்படுகின்றன.
Disclaimer: All the above articles and news are published for informational purposes. It is important to plan with the advice of proper experts and not to make final decisions regarding investment or savings based on this. The management is not responsible for any such planning based on this.
மேற்கண்ட செய்திகள் தகவல் நோக்கத்திற்காக மட்டுமே பகிரப்படுகிறது. இதன் அடிப்படையில் முதலீடு செய்வதை தவிர்க்க வேண்டும். முதலீடு செய்வதற்கு முன்பு செபி பதிவு பெற்ற முதலீட்டு ஆலோசகர்களிடம் கலந்து ஆலோசித்த பின்னரே இறுதி முடிவு எடுக்க வேண்டும். அதுவே லாபகரமான முதலீட்டுக்கு உதவும்.
